Të nderuar kolegë,

Me kënaqësi dhe pritshmëri të madhe ju mirëpres në Konferencën e Dytë të Shoqatës së Protetikës Stomatologjike të Republikës së Kosovës, e cila do të mbahet më 18-19 tetor 2024, në hotelin prestigjioz Swiss Diamond Hotel në Prishtinë. Kjo konferencë, me temë “Strategjitë Inovative në Protetikën Stomatologjike – Tejkalimi i sfidave tek Implantet” premton të jetë një ngjarje e rëndësishme, duke sjellë së bashku ekspertë të shquar dhe profesionistë të pasionuar nga e gjithë bota për të eksploruar përparimet dhe inovacionet më të fundit në protetikë.

Tema e konferencës pasqyron përkushtimin tonë për të integruar kërkimet shkencore me praktikën klinike për të përmirësuar kujdesin dhe rezultatet e pacientëve. Kemi përzgjedhur një program që përmban folës të shquar të cilët do të ndajnë me ne njohuritë, gjetjet e tyre kërkimore dhe përvojat klinike.

Ndër folësit tanë të nderuar, kemi kënaqësinë të mirëpresim:

• Prof. Dr. Trevor Coward 
  Profesor i Rehabilitimit Protetik Maksillofacial, Qendra për Shkencat Klinike dhe Translacionale Orale. Kings College ,Londër, MB. 
• Prof. Dr. Mutlu Özcan, Ph.D. 
  Drejtoreshë e Qendrës së Mjekësisë Dentare në Universitetin e Zyrihut Sekretare  aktuale e Shoqatës Evropiane të Protetikës Stomatologjike (EPA). 
• Prof. Dr. Ebru Karabece Çal 
  Kryetare e Departamentit të Protetikës Stomatologjike në Fakultetin e Stomatologjisë të Universitetit Tinaztepe. Izmir , Turqi. 
• Prof. Dr. Nikola Petricevic, DDM MS PhD 
  Profesor i Asociuar në Fakultetin e Stomatologjisë, Universiteti i Zagrebit. 
• Dr. Manuel Man, BDS MSc M Pros M Implant Dent MFDS
  Mjek Specialist në Stomatologjinë Restauruese, Lektor i Asocuar i Protetikës Klinike  në UCL, Eastman Dental Institute, Londër, MB 
• Djemal Ibraimi 
  Master Teknik Dentarë, Anëtar i Bio-Emulation Master i Shkencave në Stomatologji (viti i katërt), Zvicërr

Jemi gjithashtu të emocionuar të ofrojmë një platformë për studiuesit dhe praktikuesit e rinj për të paraqitur punën e tyre dhe për të marrë pjesë në diskutime domethënëse me kolegë dhe ekspertë. Afati për dorëzimin e abstrakteve është deri më 15 shtator 2024. Për informacion të detajuar, ju lutemi vizitoni faqen tonë të internetit në http://www.protks.org. 

Kjo konferencë nuk është vetëm një mundësi për të fituar njohuri, por edhe për t’u lidhur, bashkëpunuar dhe frymëzuar njëri-tjetrin. Presim pjesëmarrjen tuaj aktive dhe bërjen e kësaj ngjarjeje një sukses të jashtëzakonshëm. 

Me respekt, 

Prof. Agim Islami
Kryetar i Shoqatës dhe i Komitetit Organizativ të Konferencës